ប្រាសាទព្រះធាតុបាស្រី ស្ថិតនៅភូមិព្រះធាតុ ឃុំព្រះធាតុ ស្រុកអូររាំងឪ មានចម្ងាយ៤៣គីឡូម៉ែត្រ ពីទីរួមខេត្តត្បូងឃ្មុំ កាត់ផ្លូវជាតិលេខ ១១ បត់ចូលតាមខាងត្បូងផ្សារអូររាំងឪ។ នៅក្នុងខាងមុខវត្តព្រះធាតុបាស្រីអមសងខាងផ្លូវចូលវត្តមានគ្រឹះបា្រសាទបុរាណ ចំនួន២ ដែលសាងសង់អំពីថ្មបាយក្រៀម ហើយផ្នែកខាងស្ដាំដៃ គេហៅថាវិហារគុក និងផ្នែកខាងឆ្វេងដៃហៅថា វិហារព្រះនិពាន្ដ។ ចំណែកនៅក្នុងបរិវេណវត្តព្រះធាតុបាស្រីមានប្រាសាទបុរាណមួយកសាងឡើងអំពីថ្មភក់់ក្នុងឆ្នាំ៩៨៣ នៃគ្រឹស្ដសករាជ សង់រាងជាការេដែលមានទំហំ ១៥មx១៥ម កម្ពស់៣៣ម។ វិសាលភាពប្រាសាទពីលិចទៅកើតប្រវែង ១.២៥០ម ពីត្បូងទៅជើងប្រវែង ៣០០ម។