ព្រឹក ៣១ កក្កដា ២០២១ ឯកឧត្តមបណ្ឌិត ជាម ច័ន្ទសោភ័ណ អភិបាលខេត្តត្បូងឃ្មុំ បានអញ្ជើញចុះពិនិត្យទីទួលសុវត្ថិភាព នៅឃុំទន្លេបិទ សម្រាប់ជាទីជំរកជូនប្រជាពលរដ្ឋ និងសត្វពាហនៈ នៅពេលទឹកលិចតាមដងទន្លេមកស្នាក់នៅ។ គួរបញ្ជាក់ថា មកដល់ចុងខែកក្កដា ឆ្នាំ២០២១នេះ ទឹកទន្លេហក់ឡើងលឿនជាងឆ្នាំមុន ជិត ៦ម៉ែត្រ ដែលមានកំពស់ ៩,៩៥ម៉ែត្រ។ ទីទួលសុវត្ថិភាពខេត្តត្បូងឃ្មុំ ជាការរៀបចំកសាងដោយឯកឧត្តមឧបនាយករដ្ឋមន្ត្រី ជា សុផារ៉ា ប្រធានក្រុមការងាររាជរដ្ឋាភិបាលចុះមូលដ្ឋានខេត្តត្បូងឃ្មុំ។
