(ត្បូងឃ្មុំ)៖ ឯកឧត្តម ប៉ែន កុសល្យ អភិបាលនៃគណៈអភិបាលខេត្តត្បូងឃ្មុំ បានលើកឡើងថា ៖ យើងជាមន្ត្រីត្រូវបម្រើប្រជាជន ពោលគឺត្រូវផ្ដល់ស្នាមញញឹម និងភាពកក់ក្ដៅ ជូនពលរដ្ឋដែលមករកសេវាសារធារណៈ ពិសេសបង្ក្រាបទប់ស្កាត់ អោយខានតែបានរាល់បទល្មើសនានា ទើបទទួលបានទំនុកចិត្តពីប្រជាពលរដ្ឋនៅតាមមូលដ្ឋាន ទៅលើការដឹកនាំរបស់អាជ្ញាធរ។
ឯកឧត្តម ប៉ែន កុសល្យ មានប្រសាសន៍បែបនេះ ក្នុងឱកាសរួមជាមួយឯកឧត្តម ឡុង ធាម ប្រធានក្រុមប្រឹក្សាខេត្តត្បូងឃ្មុំ អញ្ជើញបន្តចុះជួបសំណេះសំណាលជាមួយថ្នាក់ដឹកនាំ និងមន្ត្រីរាជការ នៃរដ្ឋបាលស្រុកតំបែរ ខេត្តត្បូងឃ្មុំ នាថ្ងៃទី២៤ ខែកក្កដា ឆ្នាំ២០២៤។
ឯកឧត្ដម អភិបាលខេត្ត បន្តថា៖ គណៈបញ្ជាការឯកភាពរដ្ឋបាលស្រុកតំបែរ ត្រូវបន្តអនុវត្តឱ្យបានម៉ឺងម៉ាត់តាមបទបញ្ជាដ៏ខ្ពង់ខ្ពស់របស់សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា លេីការបង្រ្កាប ទប់ស្កាត់ និងចាត់វិធានការច្បាប់យ៉ាងតឹងរ៉ឹងចំពោះបទល្មើសគ្រឿងញៀន ល្បែងស៊ីសង ក្មេងទំនើង និងគ្រោះថ្នាក់ចរាចរណ៍ អោយមានប្រសិទ្ធភាពខ្ពស់។
ជាមួយគ្នានេះត្រូវដឹកនាំមន្រ្តីជំនាញរដ្ឋបាលបម្រេីសេវារដ្ឋបាលជូនប្រជាពលរដ្ឋឱ្យបានល្អប្រសើរ ក្នុងន័យនេះ មេឃុំ មេប៉ុស្តិ៍នគរបាលរដ្ឋបាលឃុំ ស្មៀនឃុំ ត្រូវបង្កើនសកម្មភាពបម្រើសេវាសាធារណៈជូនប្រជាពលរដ្ឋ ពិសេសការផ្តល់លិខិតអត្រានុកូលដ្ឋាន និងអត្តសញ្ណាណប័ណ្ណ ជូនប្រជាពលរដ្ឋដល់ខ្នងផ្ទះ ឬទីកន្លែងប្រារព្ធពិធីផ្សេងៗ។
ឆ្លៀតក្នុងឱកាសនោះ ឯកឧត្តម ប៉ែន កុសល្យ អភិបាលនៃគណៈអភិបាលខេត្តត្បូងឃ្មុំ បានប្រកាសថានឹងរៀបចំទូងស្គរ វាយគង ប្រគុំតន្ត្រីខ្នាតធំ និងអុជកាំជ្រួច រយៈពេល៥ថ្ងៃ ដើម្បីធ្វើការអបអរសាទរការបើកការដ្ឋានសាងសង់គម្រោងព្រែកជីកហ្វូណនតេជោ នៅថ្ងៃ០៥ ខែសីហា ឆ្នាំ២០២៤ ខាងមុខនេះ។
បើតាមរបាយការណ៍របស់លោក សុខ សារិទ្ធ អភិបាលនៃគណៈអភិបាលស្រុកតំបែរ បានឲ្យដឹងថា ៖ ស្រុកតំបែរ មានផ្ទៃដីទំហំ៧៩២គីឡូម៉េត្រក្រឡា ចែកចេញជា៧ឃុំ និងមានភូមិចំនួន៨៣។ មានគ្រួសារប្រជាពលរដ្ឋសរុបចំនួន ២១,១៣០គ្រួសារ។ ក្នុងនោះវិស័យកសិកម្ម ប្រជាកសិករធ្វើស្រែវស្សា ស្រែប្រាំង ដាំដំណាំដំឡូងមី បន្លែគ្រប់មុខ ដំណាំកៅស៊ូ ស្វាយចន្ទី ស្វាយកែវរមៀត ម្រេច និងទុរេនផងដែរ៕
![](https://asset.cambodia.gov.kh/provincial/sites/15/2024/07/photo_2024-07-25_14-53-03-1024x682.jpg)
![](https://asset.cambodia.gov.kh/provincial/sites/15/2024/07/photo_2024-07-25_14-51-45-1024x682.jpg)
![](https://asset.cambodia.gov.kh/provincial/sites/15/2024/07/photo_2024-07-25_14-51-25-1024x682.jpg)
![](https://asset.cambodia.gov.kh/provincial/sites/15/2024/07/photo_2024-07-25_14-51-40-1024x682.jpg)
![](https://asset.cambodia.gov.kh/provincial/sites/15/2024/07/photo_2024-07-25_14-51-43-1024x682.jpg)
![](https://asset.cambodia.gov.kh/provincial/sites/15/2024/07/photo_2024-07-25_14-51-52-1024x682.jpg)
![](https://asset.cambodia.gov.kh/provincial/sites/15/2024/07/photo_2024-07-25_14-51-57-1024x682.jpg)
![](https://asset.cambodia.gov.kh/provincial/sites/15/2024/07/photo_2024-07-25_14-51-59-1024x682.jpg)
![](https://asset.cambodia.gov.kh/provincial/sites/15/2024/07/photo_2024-07-25_14-52-03-1024x682.jpg)
![](https://asset.cambodia.gov.kh/provincial/sites/15/2024/07/photo_2024-07-25_14-52-55-1024x682.jpg)
![](https://asset.cambodia.gov.kh/provincial/sites/15/2024/07/photo_2024-07-25_14-52-57-1024x754.jpg)
![](https://asset.cambodia.gov.kh/provincial/sites/15/2024/07/photo_2024-07-25_14-53-01-1024x850.jpg)
![](https://asset.cambodia.gov.kh/provincial/sites/15/2024/07/photo_2024-07-25_14-53-06-1024x682.jpg)